Ni 8.10.2018 khan DC Conference Hall Lunglei ah RTI Week 2018 hawnna hun hman a ni.  Lunglei DC Dr. Ankita Chakravarty, IAS chu he hunah hian khuallian a ni.

RTI Week 2018 hawnna inkhawm hi Pi C. Lalremruati DIPRO Lunglei kaihhruaiah Dr. Ankita Chakravarty chuan RTI Act  hi India danpui behchhana 2005 atanga hman tan a ni a, Sorkar langtlang leh mawhphurhna neitu siam nan te, Sorkar leh mipui inkar zau lutuk tur hnuhhnaih nan te, khua leh tui ten Sorkar hnathawh dan chungchang an zawh chhuah nan te siam a ni, a ti. Khua leh tui ten an dikna leh an chanvo an hmuh theih nan RTI dan kenkawh leh in hrilhhriat hi a pawimawh avangin   Mizoram ah pawh kum 2011 atangin RTI Week hi hman tan a nih thu sawiin India khua leh tui ten Department hrang hrang hnathawh te hi an hriat angai a, an hnathawh reng reng hi dik leh langtlang a ni tur a ni a ti bawk.

 Pu H.Lalthansanga President MJA Lunglei District pawhin thusawiin RTI ah hma kan sawn a ni tiin RTI Act hi mipui leh sorkar inlaichinna siamtu hmanraw pawimawh tak a nih thu a sawi a. RTI Act chungchang hi mipui zingah inhrilhfiah chhunzawm zel a ?ul tak zet a, a ?angkai tur anga mipuiin an chhawr thiam theih nan inzirtirna chak taka kalpui zel a ?ul a ni tiin kalkhawmte chu RTI Act a nih dan tur taka hmang ?angkai turin a chah a.

 Pu R.Lalrochama Associate Professor, LGC  leh District RTI Master Trainer ni bawk chuan RTI Act 2005 chungchang a Department SPIO/SAPIO leh mipui te mawhphurhna leh chanvo te  in hrilh hriatna Power point presentation hmangin a nei a. Zawhna leh chhanna hun tha tak hman a ni bawk.