Vawiin khan DC Conference Hall Lunglei ah RTI Week 2019 pualin hun hman a ni.  Lunglei Additional DC Pu David Liansanglura Pachuau chu he hunah hian khuallian a ni.

RTI Week 2019 hawnna inkhawm hi Pi C. Lalremruati DIPRO Lunglei kaihhruaiah khuallian Pu David Liansanglura Pachuau chuan RTI Act hi India danpui behchhana 2005 atanga hman tan a ni a, Sorkar langtlang leh mawhphurhna neitu siam nan te, sawrkar leh mipui inkar zau lutuk tur hnuhhnaih nan te, khua leh tui ten sawrkar hnathawh dan chungchang an zawh chhuah nan te siam a ni, a ti. Mizoram ah pawh kum 2006 atangin RTI hi hman tan a nih thu sawiin India khua leh tui ten Department hrang hrang hnathawh te hi an hriat angai a, an hnathawh reng reng hi dik leh langtlang a ni tur a ni a ti bawk. RTI Act chungchang hi mipui zingah inhrilhfiah chhunzawm zel a ?ul tak zet a, a ?angkai tur anga mipuiin an chhawr thiam theih nan inzirtirna chak taka kalpui zel a ?ul a ni tiin kalkhawmte chu RTI Act a nih dan tur taka hmang ?angkai turin a chah a.

Pu R.Lalrochama Associate Professor, LGC  leh District RTI Master Trainer ni bawk chuan RTI Act 2005 chungchang a Department SPIO/SAPIO leh mipui te mawhphurhna leh chanvo te  in hrilh hriatna Power point presentation hmangin a nei a. Zawhna leh chhanna hun tha tak hman a ni bawk.