Ni hnih awh Conference of Central Council of Health & Family Welfare vawi 13-na Prithvi Bhavan, New Delhi a neih mekah, Mizoram Health Minister Dr.R.Lalthangliana chuan Mizoram Sawrkar mamawh leh hmalaknate Union Minister Shri Harsh Vardhan hnenah thlen a, chungte chu:

1.      Mizoram a Sub-Centre 313, PHC 57 leh  UPHC 8, avaiin 378 te chu kum 2022 hmain Health & Wellness Centre-ah hlankai hman vek tum a nih thu te, nakum March 2020 ah chuan Sub-Centre 49, PHC 56 leh  UPHC 8 avaiin 113-ah hmalak theih beisei a nih tur thu a sawi.

2.      India rama AB-PMJAY  Healthcare Scheme kalpui mekah family pakhat tana premium Rs.1052 a ram pum a chawlrual a hman chu India hmarchhak state tan a beitham thu leh mihring tamna hmun dang nen a hrut rual a theih loh avangin ennawn turin a thlen.

3.      NHM pawisa tun aia tam zawk Mizoram tan a ruahman sak turin a ngen a. Kum upa zawk te hospital hrang hranga an awmna tur bik khum siamna atan Mizoram sawrkar hma lak dan te leh sum mamawh belh tur a thlen.

4.      Tertiary Cancer Care Centre (TCCC), Zemabawk dinna atan sawrkar laipuiin cheng  Rs 44 Crores zet a lo approve tawh laia Rs 14 Crores emaw chauh Mizoram in ala hmuh chungchang thlenin, a bang Central sawrkarin a la pek loh chu a rang thei ang bera pek dan ngaihtuahsak turin a ngen a ni.

5.      Mizoram a Cancer Specialty Hospital dinna tur a JICA, Japan te nena thawhhona tur (Rs 500 Crores Project) tih fel tawh chungchang tarlangin India ramah pawh  tha ber tur a nih theih thu a thlen a. Sum mamawh belh a awm a nih pawhin Central sawrkar chu lo inhawng turin a chah bawk a ni.

6.      Mizorama Mental Hospital Rs 49 Crore senga din tur DoNER-a a thlen tawh chu sawi langin a hlawhtlin theihnan a theihtawp lo chhuahpui turin Union Minister chu a ngen a ni.

7.      Medical Education changtlung zawk, medical equipments leh  Food & Drugs lama hmasawnna atan a hmalakna tur hrang hrang te a thlen bawk a ni.