1891/2022-2023
Lunglei the 12th September' 2022: Vawiin khan DC Conference Hall Lunglei ah Labour, Employment, Skill Development and Entrepreneurship Department, Govt. of Mizoram leh Deputy Commissioner, Lunglei District buatsaihin thiam thil mila eizawnna tur inzirtirna Sensitization/ Awareness Programme for Prime Minister-National Apprenticeship Mela (PMNAM) chu Lunglei Bawrhsap Pu Kulothungan A, IAS kaihhruaina in neih a ni.

Pu Kulothungan A chuan Prime Minister-National Apprenticeship Mela hi Mizoram atan chuan Scheme thar a ni a, Lunglei ah chuan a vawikhatna niin Mela aiah awareness programme hman anih zawk thu a sawi a. He scheme hian thiamthil mila eizawnna tur inzirtirna, school a inzirtirna anglo takin he programme in a tum ber chu kut themthiamna kawnga hmasawn leh eizawn tum te, eizawngtlaka an thiamna chher hriamsak a ni, a ti. He awareness programme hi Nodal Department ten hlawkpuia mipui te hnena zirtirna pe thei tura inbuatsaih turin a chah a ni.

Pu Z.L. Chhunga, Sr. Consultant, Labour Employment, Skill Development and Entrepreneurship Department, Aizawl chuan Ministry of Skill Development and Entrepreneurship in thlatin thawhtan vawi hnihna ah hian PMNAM a buatsaih dawn a, hei hi 18th August 2016 a scheme siam National Apprenticeship Promotion Scheme promote nan a ni. He scheme hian Apprentice te stipend 25% an dawn theih chu direct in employer/chhawrtu ten a reimburse thei a, skill training nei lawk sa lo te tan basic training neihna man a tum pui bawk a. He scheme in a tum thiamthil mila eizawn dan tur in zirtirna te, an zir theih dan te, zir zawh hnua hnathawka rawih dan te, thlabi hlawh te, scheme atanga hamthatna an dawn theih dan bakah registration dan leh training kalphungah te zirtirna a pe a ni.

He hunah hian zawhna leh chhanna hun hman a ni bawk.