Vawiin chawhma dar 10:00 khan Lunglei DC Conference Hall ah Zone - II a Socio-Economic and Caste Cencus 2011 buaipui tur officer te tan UD & PA Department in Training a buatsaih.

Naktuk a zawh tur Training hawnna ah hian Lunglei DC Pu.V.Sapchhunga, IAS leh UD&PA Jt.Director Pu Vanlalmawia ten Census pawimawhna leh Official te mawhphurhna an sawi.

DC chuan Socio Economic leh Caste Census hi dik leh felfai taka kalpui a nih chuan tuna kan harsatna tawh mek Job Card lem leh Ration Card lem te hi chinfel a awm zawk anga sawrkar tan pawh 12th Five Year Plan chhunga sum hman dan tur riruat pawh a awl phah ang ati, tuna chhiarpui kalpui tur hi adanglam deuh a- Official te pawh duhsak bik nei lovin thil anih na anga an chhinchhiah ngam a ngai a ni ati. Training na ah hian BPL chhungkaw tam tak te chu above BPL anih tawh arin awm thu official te’n an sawi lang a ni.