Tukin zing dar 8:30 khan Sports Department changtu Minister Pu Zodintluanga’n Lunglei khawpuia Sports Department hmalakna kalpui mekte chu official contractor te leh khawtlang hruaitu te nen a endik.

Minister chuan thalai te rual awhna sawrkarin hriatthiam saka infiamna khawvela hmasawnna rahbi hmun tam taka din mek a ni ati. Thalai te pawhin heng thiltha te hi chhawrtangkai ngei se tih sawrkar in aduh thu a sawi.

Tukin a a endik LDSC ground - 2 a sports complex sak hna kalpui mek te chu a tha thawkhat a, hnathawk viltu official te pawhin an tihtur diktak an tih avangin a lawmawm thu a sawi bawk. Minister chuan Serkawn Salem veng leh Theiriat a mual laih mek te pawh chak taka kalpui mek anih thu a sawi.

Minister hian LDSC Ground No.2 (Baze mual) a siammek tennis court, Basket ball court, Volleyball court leh Boxing, Karate, Judo, Indoor stadium leh hostel a tlawh hnu in Thuamluaia mual a phullem phah hna kalpui mek a endik nghal.