3612/2022-2023
Lunglei the 16th February' 2023: Vawiin khan Pu Donny Lalruatsanga, Additional Deputy Commissioner, Lunglei kaihhruaiin DCs Conference Hall, Lunglei ah Bawlhhlawh sawngbawl dan Solid Waste Management chungchang meeting neih a ni. He hunah hian a kaihhnawiH Official, VC Association, NGOs, MUP,MHIP, kohhran hrang hrang hruaite leh Pi Lalenkawl Grand Ambassador te an tel a ni.

He hun kaihhruaitu Pu Donny Lalruatsanga chuan Lunglei khawpui a kan bawlhhlawh sawngbawl te tun aia awlsam leh boruak ti chhe lo zawng a kalpui a nih theih nan National Green Tribunal in Official, VC, NGOs leh kohhran hruaitute nena sawihona neih tura tih a ni thu a sawi a ni.

Pi Vanthangpuii DUDO, UD&PA Department Lunglei chuan ComposT pit siam, bawlhhlawh tawih thei leh thei lo thliar hran (Solid Waste Management) leh khawtlang tana tangkai thei tur bawlhhlawh leh leivung paihna( Land Field) hmun zawn chungchanga hmalakna te a sawi a. Compost pit siam chungchangah awareness kalpui mek niin mahni ramah remchan dan anga kalpui bakah sangha bawm ah te siam a nih thu tarlang a ni.

Bawlhhlawh tawih thei leh tawih thei lo thliar hran chungchangah mipui te hnenah zirtirna tam tak pek anih thu sawiin zawm a hlawh vak loh thu tarlan a ni a, a hlawhtlin theihna turin tun atanga zirtirna tam zawk kalpui tur a tih niin UD&PA Department in bawlhhlawh thliar hran chungchang ah pamphlet leh video clip siam a mipui te hnenah sem nise tih a ni. Khawtlang tana tangkai thei tur bawlhhlawh leh leivung paihna(land field) hmun zawn tur ah DC Office in VC te hmala tura hriattirna chhuah se tih rel a ni bawk.