Nehru Yuva Kendra Sangathan (NYKS), Ministry  of  Youth  Affairs  and Sports, Government of India buatsaih State Level 15 days National Youth Volunteers (NYV) Induction Training Programme chu vawiin khan hlawhtling taka zawhfel niin Extension Training  Centre, SIRD  Pukpui  Lungleiah kharna hun hman a ni. He hunah hian Lunglei Additional DC Pu David Liansanglura Pachuau chu khuallian niin Lunglei DSYO Pu C. Lalremsanga chu khualzahawm a ni.

Kharna inkhawm Pi Mercy Sellate, DYC NYK kaihhruaiah Pu David Liansanglura Pachuau chuan thusawiin Mizo thalaite hmakhua ngaia programme tha tak buatsaihtu Nehru Yuva Kendra Sangathan (NYKS) chungah lawmthu sawiin trainees te chu kar hnih chhung zet an thil zir te tangkai taka an hman theih na duhsakna a hlan a. Hlawhtling tur chuan zirna piah lamah extra-curricular activities leh leadership lama inzir a pawimawh takzet a ni tiin fimkhur tak leh rilru nei taka an hun awl te hmang tangkai thin turin a chah a. Thalaite tan tumruhna tak tak leh hlawhtlin duh tak tak na rilru neih a pawimawh thu sawiin khuallian  chuan zirlai kalkhawmte chu tum mumal tak nei a, ram leh khawtlang tana mi chhawr tlak ni tura tan la turin a fuih bawk.

He hunah hian Pu Sayed Ali, State Director, NYKS chuan inlawmna thu sawiin DSYO Pu C. Lalremsanga, DIPRO Pi C.Lalremruati, SIRD-ETC Lunglei Principal Pu Malsawmtluanga Fanai te pawhin thu an sawi a ni.

15 days National Youth Volunteers (NYV) Induction Training Programme hi 16th  October  2019  khan Dr. K.Pachhunga, MLA, Vice Chairman, Bamboo  Development  Board, Government  of  Mizoram  khan  hawnna a nei a. He training  hun chhungah  hian  topic hrang  hrang  - Khawtlang leh  inkaihhruai dan,  National  Youth  Policy, Flagship programme of  Government  of  India, Education  and Employability,  Government  Developmental Agencies , Agriculture, Poverty and Rural Development, Hriselna leh ei leh in chungchangte, Disaster Management, Energy, Water Conservation, HIV AIDS, Drug Abuse and Alcoholism  Project  Siam dan etc, zirna  nei  anih  baka  Thalai Pawl ( Youth Club ) – YMA  Pukpui,  YMA Bazar veng,   leh  NGOs thlanchhuah  bik te AMFU,  IIT ( Skill Development   Training  Centre) an tlawh bawk a ni. He training ah hian Mizoram District zawng zawng atanga thlanchhuah thalai sawmruk (60) rual an tel a ni.