Vawiin chawhnu dar 1:30 khan Art And Culture Auditorium, Venglaiah Lunglei District Legal Services Authority bultumin The Mizoram Victim of Crime Compensation Scheme, 2011 hnuaiah Compensation hlanna hun hman a ni. He hunah hian pawikhawihna tuartu mi pasarih (7) te hnenah zangnadawmna sem niin tualthah case panga (5) leh kumtlinglo khuaikhem tuarte case pahnih (2) te an ni. 

Pi Helen Dawngliani, Addl. District & Session Judge cum Special Judge in programme kaihruaiin Mizoram State Legal Services Authority leh District hrang hranga District Legal Services Authority te mawhphurhna tlangpui leh mipuite tana hma an lak thin dan te a tarlang a, The Mizoram Victim of Crime Compensation Scheme 2011 chungchang a sawifiah bawk. 

Pi Julie Lalrinzami, CJM Lunglei leh DLSA Secretary ni bawk chuan zangnadawmna a sem a. He hunah hian thu sawiin vawiina zangnadawmna dawng te chhiar telin Lunglei District-ah The Mizoram Victim of Crime Compensation Scheme, 2011 hnuaiah mi sawmparuk (16) te hnenah zangnadawmna pek chhuah a nih tawh thu sawiin Mizoram pumah mi 118 te hnenah zangnadawmna pek a nih tawh thu a tarlang bawk. Dan leh hrai chungchangah mipuiten awareness an neih chhoh zel a tul a ni tiin Lunglei CJM chuan hemi chungchanga an hriat chian duh apiang inthlahrung hauh lova DLSA a zawt thin turin mipuite a sawm. 

Vawiin programme ah hian sawrkar official te bakah tlawmngai pawl aiawhte, media mi te leh prominent citizen sawm bik te an tel a ni.