Vawiin chawhma khan Government J. Buana College Lunglei ah Association for Voluntary Blood Donation Lunglei leh NSS Government J Buana College te tang kawpa buatsaih Valentine Day pual in a duh apiang te tan  thisen pek run pui (Blood Donation Camp) neih a ni. 

Blood Donation Camp hawnna hun hi Dr SR Ngurchamliana Medical Superentendent Lunglei in kaihruaiin Prof J Zorema, Principal Govt J Buana College chuan thusawiin AVBD leh NSS Govt J Buana College ten Valentine Day puala thisen pek hun an siam avangin lawmthu a sawia thisen pek hi midang te tan a malsawmna ani a, Dam lohna avanga thisen mamawh ten a thlawn in thisen an dawng hi a hlu hle a, nun tam tak a chhanhim phah a ni, a ti. Thisen pek hi mizo tlawmngaihna dik tak a ni a, A mizo in  kristian bawk  a ni tiin thisen kan mamawh aia tam kan neih hi neih hi ui lovin midangte i pe ang u a ti bawk. 

Pu Lalrotluanga Secretary AVBD Lunglei in report pein Ni 19 oct 2001 ah Lunglei ah AVBD Branch din a ni a, Lunglei ah Blood Bank pahnih Civil Hospital leh Christian Hospital Serkawn ah awmin zirlai, YMA leh pawl hrang hrang tha hnem ngaihna avangin damlo ten thisen an dawng thin. Govt J Buana College hian nikum pawh khan Valentine day pual hian thisen an lo pe tawh ani.

Thisen pek hun lai hian hun hlim awm tak zai thiam, lam thiam , te bakah Cultural dance te neih a hun hman a ni. Vawin Valentines Day pual hian thisen unit 144, mipa 97 leh hmeichhia 47 ten an pe a ni.