Vawiin khan Mizoram sorkara Environment & Forests Department leh State Project Management Unit (SPMU) Japan International Cooperation Agency (JICA) tangkawpin I&PR Conference Hall, Lunglei-ah ‘Workshop on Capacity Development for Forest Management & Personnel Training’ buatsaih a ni a; DFO Lunglei Pu H. Lianmawia’n Workshop hi a hawng.

Workshop hawnna inkhawm Dr.F.Lalnunmawia, Team Leader & Consultant (SPMU) kaihhruaiah Lunglei DFO Pu H.Lianmawia chuan Workshop thupui ber ‘Joint Forest Management (JFM) Guidelines’-in a tum ber chu Forest Department, NGOs, VFD leh mipui ten inpawh taka ramngaw humhalh leh enkawl theih tura kaihhruai a ni a; tunlai khawvel boruak, sik leh sa chhe zel leh danglam chak lutuk lakah kan him phahna tur kawng a ni, a ti. Sorkar Laipuiin ruahmanna hrang hrang a duang a, chungte chu neitu rilru pua inrawn ho zela kalpui a nih chuan ram humhalh leh venhim kawngah hmasawnna a awm ngei beisei a ni, a ti bawk.

Dr.Amit Kumar Singh, Consultant (SPMU) pawhin thusawiin Sorkar Laipui chuan JICA hi ramchhung state 13-ah hma a lak tir mek a, hmarchhak biala state 3 zingah Mizoram a tel ve a ni tih a tarlang a. JICA-in a tum ber chu khawvel ram hrang hrangte environment chungchang zirtir a, ramngaw leh nungchate humhalh leh enkawl kawngah sorkar, NGOs leh mipuite thawhpui a ni, a ti.

Vawiin Workshop-ah hian heng mithiam rualten Environment & Forest Dept hnathawkte, NGO leh mi sawm bikte chu a hnuaia mi ang thupui hrang hrang hmangin an zirtir a, sawihona tha tak neih zui a ni bawk :

1. Presentation on Theme 'JFM Guidelines' : Dr.Amit Kumar Singh, Team Leader & Consultant (SPMU)

2. Joint Forest Management : Pu Lallungmuana, Consultant (SPMU)

3. Participatory Micro-Planning : Pu Lalhmingliana Renthlei, Department of Management, MZU

4. Role & Functioning of Eco-development Committees : Pu F.Lalthanzama, Core Faculty, Extension Training Centre (SIRD), Lunglei

5. Role of Green Mizoram Movement in JFM : Pu Lalrammuana Chawngthu, Vice-Chairman, Green Mizoram Movement, Lunglei

6. Review of laws applicable for management of forest & wildlife : Pu Lalduhthlana, DFO, E&F

7. Financial Management for JFMC in Mizoram : Dr.K.Lalromawia, Department of Management, MZU

8. Various alternative livelihood activities for JFMCs : Dr.Malsawmdawngliani Fanai, Principal, Extension Training Centre (SIRD), Lunglei.