Vawiin chawhma khan Lunglei District Consumers Association leh NSS, Lunglei Govt. College te  buatsaih in Lunglei Govt. College, Conference Hall ah  World Consumer Rights Day 2019 hman a ni. Pu Benjamin Lalzama, Addl. Deputy Commissioner, Lunglei chuan khuallian niin a hmanpui. Kumin thupui chu 'Trusted Smart Products" ani.

World Consumers Rights Day hmanna hi Pu C. Zairemthanga, President, LDCA in kaihruaiin Pu Benjamin Lalzama chuan World Consumers Rights Day hi kum 1962 ah America President John F. Kenedy an bul a lo tan a, kum 1983 ah a taka  hman ani ati. Tunlai Technology sang takah khawl leh hmanrua changkang tak tak siam chhuah  ani a, kan hmanrua lei te hi consumer ten hriatchian a pawimawh thu a sawi, mipui te hian dikna leh chanvo kan neih rualin kan mawhphurna erawh kan hriat a ngai ani ati bawk. Khawl changkang (Smart Phone) hman hi kan dikna chanvo anih rualin social media a thudik lo vawrdarh  a hlauawm  tiin smart product hmanna ah inbumna laka fimkhur a ngaih thu a sawi bawk.

Dr. F. Lalchhanhima, Associate Professor, LGC chuan thupui 'Trusted Smart Products' chungchang sawiin Pu J.L Hmingthanga, Vice President, LDCA leh Pu LH. Rothanga, Principal, Lunglei Govt. College te pawn thu a sawi.