Vawiin  khan Champhai District Election Office bultumin Systematic Voter's Education and Electoral Participation (SVEEP)/ Electoral Literacy Club (ELC) Campaign chu Government Champhai College Zirlaite pualin Multipurpose Hall-ah  neih a ni a. SVEEP Awareness campaign thupui thlan  hi ‘My Choice, My Voice’ tih a ni a. Hashtag campaign atan ‘#govote #goverify #goregister #gocall1950 #mychoicemyvoice’ tih hman a ni bawk.

Vawiin hian Pi Rebecca Laldinmawii Hrahsel, BDO Champhai leh Pi Esther Leihang, SDC Champhai ten College Zirlaite   hnenah Vote neitute hriattur hrang hrangte zirtirna hun an hmang a. Online registration   www.nsvp.in ah a tih theih thu leh  cVIGIL app  hman tangkai dante an sawifiah a. cVIGIL application hi mobile playstore atanga download theih niin, inthlan kaihhnawih a complain thlalak leh video tela  thawn theihna a ni.

Inthlan kaihhnawih hriat duh leh zawh duh neite puitu   District Contact Centre toll free number (03831) 1950 zing dar atanga zan dar  9 thlenga zawh theih anih thu  thu  tarlan a ni a. Mipuiten hnena inthlan thilthleng leh hriat tur pawimawhte zau leh rang zawka a thlen theihna turin Instagram-ah  champhaivotes handle hmangin District Election Office-in account a siam thu leh  lo hmelhriata election thil tarlan anih   apianga lo ngaihven ve thin turin District Election Office chuan sawm a ni.  Heng bakah hian Zirlaite chu EVM khawl nihphung leh hnathawh dante, Vote  thlak  dante  hrilhfiah an ni a. Vote thlak ngei tura intiamkamna an neihpui bawk a. Zawhna leh chhanna hunte hman niin Zirlaiten an hlawkpui hle a ni.