Vawiin khan Lunglei YMA Sub Hqrs Conference Hall-ah Mizoram Academy of Letters (MAL), Joint Hqrs Lunglei buatsaihin Durra Chawnghtu leh H. Lalringa Sulhnu zirhona Sate Level Seminar neih a ni. He hunah hian Pu PC Lawmkunga IAS (Rtd0 chu khuallian niin mipui leh zirlai thahnem tak an kalkhawm.

He hun Pu C. Hrangdula, President MAL Joint Hqrs Lunglei kaihhruaiah Pu PC Lawmkunga IAS (RTD) chuan thu sawiin Literature chawilar nana Seminar buatsaihtu MAL Jt Hqrs te chungah lawmthu a sawi a. Kan hranghlui mithiamte lakah bat tam tak kan nei a ni tiin an thu leh hla hnutchhiah hlu takte ngaihlutu mithiam an lo chhuak zel chu thangtharte tan thil hlu tak a ni, a ti a. State Level Seminar chu thu leh hla lama Mizo thalaite kaihruaitu ni zel tura a duh thu sawiin “Mi bikte chanchin leh an sulhnu hlu tak kan zir te hi vawng tha in chawi lar zel I tum ang u” tiin kalkhawmte a sawm a ni.

State Level Seminar ah hian Pu TC Jonusanga’n “Durra Chawngthu leh a Sulhnu” tih thupui hmangin zirtirna pein Pu F. Lalzuithanga’n “H. Lalringa leh a Sulhnu” tih thupui hmangin zirtirna a pe. Tin Zaithiam Lalenkawli Pautu leh Lalllawmzuali Ngente ten Durra Chawnghtu leh H. Lalringa te hla phuah sa in mipui kalkhawmte an awi a ni. Rev. Dr CL Hminga, Patron MAL Jt Hqrs chuan Malsawm Tawngtaiin hun tawp a khar a ni.

Attachment

  • Loading attachment...