Vawiin khan World Consumer Rights Day 2019 chu Champhai District Consumers Association bultumin Govt. Champhai College Multipurpose Hall-ah hman a ni a. He hun hi Pu Liansangzuala Chhakchhuak, Addl DC Champhai chuan khuallian niin a hmanpui a ni.

Khuallian chuan Consumer-te dikna chhuhsak ani thin chu a vei thu leh engtiang taka dolet tur nge anih tih Consumer ten an hre tawklo thin chu pawi a tih thu a sawi a. Cable Network leh Mobile Network-te chu mipui tam takte nitin nuna pawimawh tak an nih hrethara  fimkhur turin a ngen a, Mipuiten an nitin nuna an dawr leh pan thinte chu anmahni dawrtute dikna palzuta chhuhsak lova fimkhur turin a chah a, mipui ten thuneitute hnena lungawilohna an thlen chuan dan ang a hmalak a tul thin thu a sawi bawk a ni.

Thil zuartu Retailer-te hian an thil zawrh reng reng hi MRP aia tlawm daih in an thlen thin thu a sawi a, MRP a an hralh hian hlep an neih vek thu sawiin MRP aia sanga zuar te hian Dan an bawhchhia a, man theih an nih thu a sawi a. Gas leh Electric Bill chungchang pawh sawilangin kan hman nen inmil lo uchuak taka to bill kan dawn te hi an Office-ah Complain hreh loh tur a ni a ti a, an buai lai tak anih pawhin sawi hreh loh tur a ni a, kan dikna leh chanvo kan vawnghim tlat tur a ni, a ti bawk.

Pu Lalnundanga, Inspector Legal Metrology pawhin thu sawiin mobile network  leh Cement man chungchang chu comsumer ten  ngaihtuah chian a tul thu a sawi a. India ram chhungah ngei Cement  Bag 1 cheng 390 vel a nih laiin Mizoramah chuan Rs 500 chuang anih thu a sawi a, a quality pawh kan chik a, dik lo deuha kan hriat chu Legal Metrology-ah complain theih reng a ni a ti bawk.

He hunah hian Pu C. Lalngura, President Champhai District Consumers Association  pawhin thu sawiin thil lei leh hralh chungchangah harsatna a awm chuan chingfel tur an awm reng thu a sawi a, dawr siamtu thenkhat chuan an thil zawrh man zat tur bithliah aia toin an zuar  thin a, heng mite hi khin theih an ni, a ti a. MRP aia to va thil hralh chhuah hi dan kalh a nih thu leh hnam dang ten  an dikna leh chanvo an hrebel em em  a, dik lo taka thil zuartu chu an khing mai thin a a ti bawk. Kalkhawmte chu  thil man  diklo taka hralh thinte chu  khing  let ngam turin a chah a ni.