Vawiin chawhma khan Nehru Yuva Kendra leh Environment Forest and Climate Change Department Lunglei tangkawp buatsaihin HATIM College Lunglei ah World Environment Day hman niin kumin thupui ah chuan 'Beat Plastic Pollution' tih a ni.

World Enviroment Day2018 inkhawm hi Pu Zomuana, District Youth Coordinator NYK in kaihruaiin Dr.C. Vidhyasagar, IFS,DFO Lunglei chuan ‘Beat Plastic Pollution for Sustainable Enviroment’ tih thupui hmangin thusawina neiin tunlai khawvel in a min chhawpchhuah sak plastic atanga thil siam te hi a chhawrtu kan ni veka, a tlawm a, a zangkhai a, hei vang hian Mizoram ah chauh nilo Khawvel hmun tinreng ah kan hmang nasa a. Amaherawhchu bawlhlawh buaipui awm ber a ni thung, a tawih ral har em avangin hnawksak a tling ta a ni, a ti. Plastic kan hman hnu kan paih thin avang in enviroment ti chhetu leh harsatna nasa tak min thlen mek tu ani a ti. Hal ral ta ngawt ila toxic gas atih chhuah leh bawk si avangin mihring tan a him lova, boruak chhia a siam thin ani. Plastic hian ram a ti chhia a, Ran tan a tha lo a, lui dung a tichhia in sava leh sangha tan a him lo ani. Heti tak a plastic chi hrang hrang hian harsatna min thlen tak avangin sawrkar chuan 2016 khan khuahkhirhna dan Plastic Waste Management Rules 2016 a siam ani, a ti.

Pu C. Malsawmkima,Lecturer Govt. Higher Secondary School in 'Beat Plastic Pollution For Promotion Of Health and Economic' tih hmangin sawifiahna neiin nitin kan inchhungkhur ah plastic hi kan hmang nasa a. Plastic chi hrang hrang kan hman zing ah mihring tana hlauawm leh hriselna atan a thalo tam tak a awm a. Kumtin khawvelah plastic 500 billion siam chhuah niin 10% chauh sawngbawl theih ani a. Hemi anih avangin sum lei pai tam tak sen a ngaih phah thin, plastic bag hmang lovin paper bag emaw ipte te hi hmang thei ila sum tam tak kan hum phah ang. Hmasawn zel kan tum chuan plastic hman loh leh hman tlem kan zir a ngai ani a ti bawk.

World Environment Day 2018 inkhawm ah hian YMA Branch hrang hrang atangin leh College hrang hrang atangin an tel a ni. Zawhna leh chhanna hun neih nghal a ni bawk.