Khawvel pumpui ah World Rabies Day hi 28th Sept 2018 ah hman thin a ni a, he ni hi Rabies (Ui a hri) chungchang inzirtirna leh awareness neih nan te, inven nan leh a hri control dan tur te sawi nan hman thin a ni.

Lunglei district ah pawh hman ve ni in Rabies (Ui a hri) chungchang zir hona leh inven natur inzirtina CMO Office ah chawhma lam ah neih a ni a, chawhnu lam ah Stakeholders, Vety Department, Environment & Forest Department leh Medical Superintendent lam te nen Rabies chungchang zir chianna leh hmalak dan tur te sawiho a ni.

India ram ah mi 20,000 vel kumtin Rabies (Ui a hri) avangin an thi ziah thin a, Lunglei District ah kum 2018 chhungin mi 2 he hri vei ni ngei a hriat an thi bawk a ni. Ui leh zawhte in miring an seh emaw an tin a an ham pilh atangin a inkai theih a, a venna atan Post exposure Prophylaxis (PEP) lak in 100% veng thei a ngaih a ni. Hemi atan injection Vaxirab emaw Rabipur emaw pek thin a ni a, Ui emaw zawhte in emaw mi a seh in a venna Injection lak ngei hi a him a ni.

Ran- Ui emaw zawhte he hri vei an nih chuan ni 10 chhungin a langchhuak thin a, mihring an seh atanga ni 10 chhung chu ui emaw zawhte thlun a enthlak ngei ngei tur a ni.

Natna Lanchhuah dan : Na emaw thak emaw, tihrawl phu, a sehna hmuamhma atangin a awm thei a, khawsik, lu na, taksa na, chawei tui lo, luakchhuak leh chau ngawih ngawih in an awm thei, thil hmuh dik lo, tui in thei lo in 80% vel an awm thei bawk. Vaccine pek loh chuan an thihpui ngei ngei thin a ni.

A venna tur hi lei mai theih in District Hospital ah a awm a ni. Injection hi a tlem ber ah vawi 3 tal pek tur a ni a, a vawi 1 na hi darkar 24 chhung a pek ngei ngei tur a ni.

Chairman : Dr.Thani Pachuau, CMO, Lunglei

Welcome Speech & Introduction : Chairman

World Rabies Day Brief Report : Dr. Lalrinthangi, SMO, Lunglei

Short Report from Stake Holder : Civil Hospital, Vety Deptt, Forest Dept