Vawiin chawhma khan Lunglei Civil Hospital Eye OPD kawtzawlah National Program for Control of Blindness and Visual Impairment, Lunglei District buatsaihin World Sight Day pualin hun hman a ni. Kumin World Sight Day thupui hi ‘Make Vision Count’ – Kan hmuhtheihna te hi I ngaihlu ang u tih a ni.

He hunah hian Dr. Lalrinthangi, Senior Medical Officer chuan thu sawiin mipui kalkhawmte chu an mit ngun taka enkawl tur leh mit na an neih emaw mit an tih hliam palh chang ten Doctor pan vat thin turin a chah a. Health Sub Centre ah te immunization pek rualin Vitamin A sem thin a ni tiin kalkhawmte chu an mit hrisel nan Vitamin A ei fo thin turin a hrilh a. Mit paw (cataract) Lungleiah zai theih a nih thu sawiin SMO chuan mit tha tak leh hrisel tak nei turin mipuiten doctor hnena inentir an ngaih pawimawh a tul a ni a ti bawk.