Lunglei High Powered Committee bultumin, Art & Culture Department leh Zomoi School of Fine Arts tangkawpin nimin khan Govt. High School, Chanmari, Lunglei-ah 'On-the-spot Painting Competition for Students' huaihawt a ni a. He lemziak inelnaa zirlai tel turte chu zing dar 9:30 atangin hmingthelut tanin, darkar thum chhung lemziahna hun pek an ni.

'On-the-spot Painting Competition for Students' kharna inkhawm hi nimin chawhnu vek dar 2:00-ah nei a ni a. Kharna inkhawm hi Govt. H/S Headmistress Pi Dengsailovi Zadengin a kaihruai a; DRO HPC Office Pu F.Lalzarmawia-in lawmman a sem nghal a ni.

DRO HPC Office Pu F.Lalzarmawia chuan thu sawiin HPC chuan Lunglei District hmasawnna tur kawng hrang hrangin tan a la chho mek a, naupang leh zirlaite hamthatna tur a ngaihtuah tel zel dawn a ni, a ti. HPC hian infiamna leh zirna lama tithate chawimawi nan sum a pe thin a, vawiina lemziak inelna hmangin naupangte zirtirna tha zawk pek chu a duh ber a ni, a ti.'On-the-spot Painting Competition for Students' atan hian Lunglei HPC chuan Cheng 50,000/- a thawh a ni.

Painting Competition-ah hian School 16 atangin zirlai 47 an tel a; Category 'A' ah 23 leh Category 'B' ah 24 an ni. Lawmman late chu a hnuaia mite an ni :

Category 'A' (HS/HSS) :-

1st prize - K.Lalrinchhana, Class X, BHSS, Serkawn

2nd Prize - J.Lalneihpuii, Class XII, GHSS, Lunglei

3rd Prize - F.Vanlaltanpuia, Class X, LT English School

Consolation Prize -

1). LH Lalnunsiama, Class XII, GHSS, Lunglei

2). Daniel Lalrinchhana, Claxx IX, Southern Flower School

3). F.Zoremtluanga, Class X, LT English School

Category 'B' (Middle School Section) :-

1st Prize - T.Lalrinchhana, Class VII, Kendriya Vidyalaya, Ramthar

2nd Prize. R.Lalkhawngaihsanga, Class VII, BHSS (Jr. Section), Serkawn

3rd Prize - Jessica Lalhmangaihtluangi, Class VII, Brighter Academy, Lunglawn

Consolation Prize -

1).Rohlupuia, Class VI, BHSS (Jr. Section)

2). Lalfaka Varte, Class VI, Sacred Heart School

3). T.Rinsawmzela, Class VI, BHSS (Jr. Section), Serkawn