Vawiin chawhnu dar 2:00 khan District Level Task Force Committee (DLTFC) on PMEGP, Lunglei District chu tun kum atan a vawikhat nan an Chairman, Deputy Commissioner Pi Lalzarmawii, IAS, hovin a pisa-ah an thu khawm.

District Level Task Force Committee (DLTFC) on PMEGP thutkhawmnaah hian kum kalta Financial Year 2016-2017 chhunga Prime Minister’s Employment Generation Programme (PMEGP) hnuaia Lunglei District chhunga Bank awm ten loan an pek chhuah dan thlirho a ni a. 2016-2017 chhungin Bank tam tak ti tha tak tak an awm laiin Bank thenkhat PMEGP Loan sanction mumal lo an awm a. Sawrkar kum kal mek 2017-18 a PMEGP loan thar pek chhuah tur te tana ruahmanna siam dan tur he committee ah hian sawi ho bawk a ni.

PMEGP hi Sawrkar laipui policy pawimawh tak, mirethei zawk ten eizawnna ngelnghet an lo neih chhoh theihna atana duan a ni tiin District Bawrhsap Pi Lalzarmawii chuan Bank manager kalkhawmte chu he scheme hi ngai pawimawh turin a chah a. Loan pek chhuah chu felfai tak leh fair taka kalpui nise tiin, PMEGP tanpuina diltute remchanna lo siamsak tur leh hriatthiamna rilru nen lo chhawn thin turin a chah. He meeting ah hian Bank manager kalkhawmte pawhin harsatna hrang hrang an tawh te leh ruahmanna tha zawka an hriat te District Bawrhsap hnenah an thlen bawk a ni.

Prime Minister’s Employment Generation Programme (PMEGP) hi sawrkar laipui scheme niin, 15th August 2008 khan ram pumah hman tan a ni a. He programme hian a tum ber chu eizawnna ngelnghet nei lo (unemployed) ten mahni eizawnna an neih theihna tura hmalak pui a ni. PMEGP hi Ministry of Micro, Smal and Medium Enterprises (MSME)-in a enkawl a ni.

Vawiin meeting ah hian Commerce and Industries Department, Lead Bank, KVI Board leh DRDA hotute bakah Lunglei khawpui chhunga Bank manager-te an tel kim hle a ni. 

Attachment

• Loading attachment...