Vawiin chawhnu khan State Planning Board Vice Chairman leh NEDP Monitoring & Evaluation Committee Chairman nibawk Pu H. Liansailova hovin NLUP Conference Hall-ah New Economic Development Policy (NEDP) Monitoring & Evaluation Committee leh Department hrang hrang hotute an thukhawm.  

Chairman Pu H. Liansailova chuan  NEDP hnuaia department hrang hrang hmalaknate  Monitoring & Evaluation Committee chuan ngun takin a vil  thu a sawi a. Department tin ten Action Plan (Hmalakna tura ruahmanna) an ngaih pawimawh a tul thu tarlangin NEDP chuan  mipuiten thiamna tak tak eizawnna tlak an neih theihna tur leh sumdawnna bakah thil tharchhuah hlawk taka kalpui a tum thu a sawi bawk a ni.  

Meeting-ah hian Department hrang hrangte chuan NEDP hnuaia June 2017 thlenga an hmalaknate, 2017-2018 chhunga project hrang hrang an kalpuin turte leh kalpui mekte bakah an hmachhawpte NEDP Monitoring & Evaluation Committee hmaah hian an tarlang a. NEDP Monitoring & Evaluation Committee chuan tan lak a ngaihna lai sawipuiin hmalak zel dan tur an sawiho a. NEDP hnuaia hna kalpuina kawnga harsatna an tawhte leh chak lehzuala hnathawhna tura ruahmannate an sawiho bawk a ni. 

He hunah hian Planning & Programme Implementation, Agriculture, Horticulture, AH& Vety, Commerce & Industries, MEDMOC, LAD, UD&PA, PHE, P&E, RD, Health& Family Welfare, School Education, Higher& Technical Education, ICT, SYS, PWD, Art&Culture, Finance, Labour Employment& Industrial Training, Environment Forest & Climate Change, DP&AR, GAD, Land Revenue & Settlement, Legal Metrology, Science &Tech, MKVIB, Economics& Statistics, Home, Transport leh I&PR  hotute an tel a. Kum 2017-2018 chhung hian Rs 750 crore NEDP hnuaiah hian dah a ni.