Vawiin khan  Lt Col (Retd) Z.S Zuala, Parliamentary Secretary Home, R.D, Agriculture, Excise & Narcotics chuan Mamit khawpui chhunga Sorkar Department hrang hrang Mamit District Jail, DRDA Office, Mamit, S.P Office Mamit, DAO Mamit, Superintendent Of Excise, Mamit, 4th IR Battalion, Mamit leh Fire Department te a tlawh.

Pu Z.S Zuala hian District Jail, Mamit a tlawhna ah hian thawktute ten lo dawngsawngin an mamawh hrang hrang an lo thlen a, heng an harsatna lo thlente hi a theih ang anga tihlawhtling tura hmalakpui a tum thu a sawi, tun dinhmunah Mamit District Jail-ah hian tang mipa 47 leh hmeichhia 5 an vaiin mi 52 an awm mek a, thawktu Superintendent hovin mi 21 an awm mek bawk a ni.

District Jail a tlawhna ah hian thunun ngai tang mekte chu Jail chu inhremna hmun ringawta ngai lovin mahni insiam that nana hmanga helai hmun an chhuahsan a lo nih pawha chhungkua leh khawtlang tana mi tangkai ni thei tur khawpa chu hmun chu hmang tangkai turin a fuih a ni. Tang ten an harsatna tawh hrang hrang an lo thlen zingah Parliamentary Secretary chuan TATA Sky leina tur Rs 3000 Jail thuneitute hnenah hian a hlan nghal a ni.

Parliamentary Secretay hian SP Office Mamit tlawhin harsatna an tawh hrang hrangte a ngaihthlak sak a, abik takin Motor lama an indaihloh thu leh a siamthatna lam leh P.O.L, chungchanga an harsatna an lo thlen chu thuneitu sang zawk hnena thlenpui a tum thu sawiin Excise & Narcotics Office a tlawhna ah hian thawktute chuan tun dinhmuna mi in luah hawha Office an la kal thu leh main power a an indaihlohna chungchang an lo thlen a,  Office  ram Luangpawl a mi chu Parliamentary Secretary hian a hmunah a en sak nghal bawk a ni.

Pu Lt Col (Retd) Z.S Zuala hian 4th IR Battalion hmun tlawh bawkin Power chungchangah duhkhawp an hmuh loh thu sawiin an mahni chawmtu tranformer chu thuamthat a ngaihthu an sawi a, zun leh ek thiarna, duhthu an sam tawh lo thu an lo thlen bawk a ni. Fire & Emergency Service building thar sak mek chu tlawhin luah theih thuai a beisei thu a sawi. Heng harsatna hrang hrang an lo thlente hi Parliamentary Secretay hian a theih ang anga hmalakpui a tum thu a sawi a, amah lo dawngsawngtu department hrang hranga thawktute chu mipui rawngbawl an ni tih in hre reng tura chahin an harsatna hrang hrangah te pawh inpawh tlang taka hmala ho zel turin a sawm bawk a ni.

Pu Lt Col (Retd) Z.S Zuala, Parliamentary Secteraty hi Pu Narayan Thapa SP Mamit, Pu Lalthankima, Sailo AIG (Prisons), Pu Paul Rokima DIPRO, Mamit ten an tawiawm a ni.