No.3253/2020-2020

Lunglei the 20th, July’ 2020: Vawiin khan DC’s Conference Hall, Lunglei ah District Local Administration Department, Lunglei buatsaihin ‘Promotion of Transparency in Local Administration’ hmalakna chu Pu V. Lalsangliana, Deputy Commissioner, Lunglei in hmanpuiin a tlangzarhna a nei nghal ani.

Pu V. Lalsangliana chuan Village Council hruaitute chu ram leh khawtlang rorelna leh sawrkar hmalakna hrang hrangah a bulthuta awm, mipui dinhmun hrechiang ber tu leh mipuite ngheng hnai ber tu an nih avangin ram hmasawnna kawngah leh remna leh muanna humhalh kawnga an pawimawh zia leh an mawhphurhna a san zia hre nawn fo thin turin a chah a. Sawrkar hmasawnna hna bul tantu leh hmawr bawk tu chu VC te an nih avangin entawtlak leh langtlang taka hnathawk thin turin a chah baw. Transparency in Local Administration bul tantu tura DLAO, Lungleiin VC panga an thlangchhuak - Rahsiveng, Sazaikawn, Salem Veng, Serkawn leh Electric Veng te, entawntlak leh langtlang taka an hna kalpui theuh turin a chah a ni. Sawrkar scheme hrang hrang sum hmanna ah a thawktu ten thawk tha hle mahse mipui te kan hrilh hriat loh chuan inrinhlelna a awm thin a, chuvangin kan hnathawhna te, sum kan hman te, plan mumal tak langtlang takin mipui te hriatah puangzar thin a pawimawh thu sawiin hei hian veng chhung inrelbawlna leh hmasawnna ah rah tha a chhuah a ring bawk ani ati.

Pu J. Mialung, DLAO, Lunglei chuan thuhma sawiin Promotion of Transparency in Local Administration Initiative/Project in a tum te chu langtlang thei ang bera Village Administration kalpui, corruption ven leh mipuiin VC ah rinnna an nghah zual theih nan mipui hriatah VC hmalakna leh sum dinhmun tarlan te a ni, a ti a. He hmalakna hi VC bik ten an area ah theuh an kalpui ang a, VC term tharah chhunzawm zel tur niin VC panga (5) enchhin phawt an ni ang a, a hlawhtlin dan a zirin VC dangah kalpui chhoh ani ang. He initiative in a ken tel te chu thlakhat ah vawikhat tal kokim taka VC thutkhawm neihin VC member zawng zawng hriatah sum hmuhna leh hman ralna tarlan te, thla khatah vawikhat tal Gram Sabha neih a, sum dihmun mipui hriata tarlan te, VC House ah a duh apiang en theih tura sum din hmun tarlang a vengchhung chanchinbu kaltlanga VC thuthlukna leh sum dinhmun mipui hriata puanzar te, zawhfiah duh emaw sawisel duh nei tan biak pawhna tur complain channel/phone number tarlan te, VC hnathawh enpui turin NGO leh kohhran te sawm leh thlatin LAD office atanga internal audit neih te ani a ti

Promotion of Transparency in Local Administration Initiative hawnna inkhawm hi Pu T. Lalruata, HCA, DLAO office in kaihruaiin Pi Rebecca Lalfansangi, Account Manager, PD, DRDA office, Pu Johny Zoramthanga, Vice President LDVCA leh Pu Eric R. Zomuanpuia, Gen. Secretary, Chhimbial Chhantu te pawhin thu an sawi a ni.