Vawiin chawhma khan Lunglei DC Conference Hall-ah Pi Saizikpuii, SDO(S) Chapchar Kut Organising Committee, Chairperson hovin March ni 3, 2017-a Chapchar Kut hman dan tur an rel.

Meeting-ah hian Chapchar Kut 2017 chu hlung tak leh ropui taka Thuamluaia Mualah zing dar 11 atangin hman nise an ti a. Pu S. Laldingliana, Lunglei HPC Vice Chairman chu Kut Pa atan ruat a ni. Mizo hnam lam chi hrang hrang en tur leh zaithiamte zai tura ruahman a ni a. Band display hmuhnawm tak awm tura ruahman a ni bawk.

Organising Committee chuan Department hrang hrang bakah YMA, MUP, MHIP, MZI leh MCO te mawhphurhna pek ti hlawhtling theuh turin a ngen a. Kut ni a tel tur te chu Mizo thuam a inchei turin a chah a. DIPRO leh MJA te hmalakna in Chapchar Kut Miss thlan a ni bawk ang.