No.2845/2021-2022

Aizawl the 2nd Nov,2021: Nimin tlai khan Lunglei Deputy Commissioner, Pu Kulothungan A, IAS kaihhruaiin a office chamber-ah kum 2019, June thla ruahsur nasa avanga Lunglei College Veng lei tlahniam siam dan tur ngaihtuahin District Level Committee on Preparation of Detailed Project Report(DPR) for Site Specific Landslides Risk Migitation an thu khawm.

Kum 2019, June thla ruahsur nasa avangin chenna in pasarih, chhungkua 12 te chenna rauh san ngai khawpa chhiatna thlenna chu Lunglei District Disaster Management Authority in siam thatna tur ngaituahin North Eastern Council(NEC) ah Detailed Project Report(DPR) theh luh a ni a. Amaherawhchu DPR thehluh chu tun dinhmunah hnawl a ni a. Hemi anih avang hian bialtu MLA leh Agriculture Minister ni bawk Pu C. Lalrinsanga hmalakna leh duh dan angin District Level Committee on Preparation of Detailed Project Report (DPR) for Site Specific Lanslides Risk Migitation chu DPR thar siam dan tur ngaihtuahin an thukhawm a ni.

Committee chuan Lungleia a kaihhnawih Department hrang hrang District Disaster Management Authority, PWD, P & E, PHED, DUDO, I&WRD, PD, DRDA, SO,( LR&S), BDO, Area Supervisor, Geology & Mineral Resources, Hrangchalkawn leh Geology Department, Lunglei Govt. College ten National Disaster Management Authority dan siam zulzuia DPR siam chu hmanrua tha an neih loh avangin siam harsa anih tur thu sawiin, Committee chuan DPR siam turin Private Consultancy rawih ni se tih relin, a tul angin Comittee chuan he DPR siam hna ah hian a pui dawn a ni.