Vawiin khan Pu Zodintluanga, UD & PA Minister office ah Lunglei Convention Centre chungchang sawiho a ni a. Hetah hian Pu John Rotluangliana, Transport Minister; Pu Hrangtawna, Commissioner, Transport; Dr. C. Vanlalramsanga, Secretary, UD & PA leh heng department 2 a officer te an tel a ni.

Pu Zodintluanga chuan Lunglei tana rotling Convention Centre chu zawh ti tih a lo nih takah chuan a ram neitu Transport Department te nen helai hmun insiamrem dan a tul tawh thu sawiin a kalzel dan tur pawh ngaihtuah a ngaih thu a sawi a. Pu John Rotluangliana chuan UD & PA hmalaknaa building tha tak an nei thei chu lawmawm a tih thu sawiin helai hmun hi tangkai thei ang bera Transport department in an hman ngei a beisei thu a sawi.

Convention Centre hi MST hmun hlui Lunglei Venglai ah cheng vaibelchhe 18.77 senga sak a ni a. Transport Department te hian Ground Floor leh a hnuai Basement chhawng thum an luah ang a. Hetah hian DTO Office, Railway Out Agency (ROA), MST Booking counter te a awm ang. Kawngan chungah hian Auditorium te leh Banquet Hall te a awm ang. He building hi DC kaihhruaina hnuaiah Management Authority in a enkawl dawn a ni.