Vawiin chawhma dar 11 khan Pi M. Zohmingthangi IAS, Lunglei Bawrhsap chuan a office chamber-ah  2011 Chhiarpui atana thawktu Charge Officer, Supervisor, Enumerator, VCP leh Branch YMA President tinte a kawm.
Tun dinhmunah Lunglei District-ah hian chhungkua 106 (member 401) inziak lut duh lo an awm a. Heng zinga mi thenkhatte chu Chhiarpui-a ziahluh an hnial tawh lo nia report a nih laiin midangte pawh thil awmdan hrilhfiah a, an hming ziah luh tir theih ngei beisei a nih avangin Chhirapuia thawktute chu June ni 25 thleng ngaichang leh tura hrilh an ni.  He hun tiam chhunga thu awih lo an la awm chuan hun pawh pek belh leh nise tiin an rel.

He meeting-a pawl hrang hrang aiawh mi 50 chuang zet te hnenah Lunglei D.C. chuan an tawimawna avangin lawmthu a hrilh.