Vawiin chawhnu khan Lunglei DC Pu Ashish Madhaorao More hovin amah office chamber-ah 'Anti Tobacco Day' hman dan tur rel a ni.

He meeting-ah hian Lunglei DC bakah District Focal Point, NTCP, Lunglei District member-te leh DIPRO Lunglei te an tel a; Dr.S.R.Ngurchaliana, Member-Secretary, Anti Tobacco Squad, Lunglei District chuan kum hmasa lama he Ni hman a nih thin dante sawilangin kuminah pawh he Ni hi urhsun taka hman tum a nih thu a sawi.

'Anti-Tobacco Day' hi September ni 11, 2014-ah OPD Complex, Lunglei Civil Hospital hmunah hman turin rel thluk a ni a. Hemi hun hmanpui turin Zirna In hrang hrang, College, HATIM leh Nursing School te sawm nise tih rel a ni bawk a. He Ni pualin Vaihlo leh a kaihhnawih dona kawnga hmalakna chi khatah chanchinbu, TV leh AIR kaltlangin thuchahte chhuah nise tih rel a ni bawk.