No.3765/2021-2022

Aizawl the 21st January, 2021 : Lunglei Districta Covid-19 hri kai thar pung zel tur chhutchah a nih theihna tura hmalak zel dan tur leh District hmun hrang hranga vaccination kalpui zel dan tur ngaihtuahin vawiin khan Lungle DC & Chairman, DLTF on Covid-19 Pu Kulothungan A kaihhruaiin a office chamber-ah meeting neih a ni.

Meeting-ah hian Lunglei DC officer-te, H&FW, School Education leh I&PR Department aiawhte an tel a ni.

H&FW Department, Lunglei District chhinchhiah danin vawiin January ni 21, 2022 thlengin Lunglei District-ah Covid-19 test 1,25,954 neih tawh niin 13,199 (10.48%) positive hmuhchhuah an ni a. Covid-19 avangin Lunglei District ah mi 32 (mipa - 24 leh hmeichhia - 8) ten nunna an chan tawh bawk a ni. Covid-19 vei enkawl discharge tawh mi 12,417 niin recovery rate hi 94.08% a ni.

Tun thla chhungin Lunglei District-a Covid-19 vei hmuhchhuah zat an pung chho mek zel a. January ni 1 atanga vawiin January ni 21 thleng khan Lunglei District-ah Covid-19 positive 1101 hmuhchhuah awm tawhin kar kalta (14th Jan - 20th Jan) chhunga sample 4134 test atangin mi 567 (13.72%) positive hmuhchhuah an ni. DCHC, Civil Hospitalah mi 10 admit mek niin ZMC refer awm mek mi 4 an awm bawk.

Vaccine pek chhuah awh kalpui mek zel niin target population mi 112647 atangin first dose mi 108222 (96.1%) leh second dose mi 86,238 (76.6%) ten an la tawh a ni.

Lunglei DC Pu Kulothungan A chuan Covid-19 hrilengin zual lam a pan mek zel avangin District mipuite kan fimkhura Covid Appropriate Behavior (CAB) uluk taka kan zawm tlan a tul takzet a ni, a ti.

Meeting chuan VLTF hruaitute nena inrawnkhawm leh training January ni 28-ah neih ni se tih a rel a. He training-ah hian contact tracing kalpui dan te, restricted area chhunga inkaihhruaina te zirho anih dawn bakah Covid-19 do kawnga chak zawka hmalak tlan theih dan tur ngaihtuah ho a ni ang.

Kum 15-18 vaccine pek chungchangah School Education Department nena tangkawpa hmalak chhunzawm zel tum niin District chhunga school tin data lo la khawm tur leh a tul anga school a kal chilha vaccination session ruahman tura hma la turin H&F leh School Education Department aiawhte chu mawhphurna pek an ni