No.3766/2021-2022
Covid No Tolerance Week (21.01.2022)-Mizo.pdf
Aizawl the 21st January, 2021 : Mizoram pumah 24.01.2022 atanga ni 31.01.2022 zanlai dar 12:00 thleng ‘COVID-19 No Tolerance Week’ hman a nih tur thu leh hemi atana inkaihhruaina chu Dr. Renu Sharma, Chairman, State Executive Committee chuan vawiin khan a ti chhuak.

COVID-19 hri darh zel tur ven nan Mizoram Sorkar chuan January ni 8 atanga January ni 31, 2022 thlenga hman turin DM&R Department Order hmasa dated 07.01.2022 hmangin inkaihhruaina thuchhuah a lo siam tawh a. Hri kai hi an pun chhoh mek zel avangin, hri leng zel tur ven nan leh hri inkaidarh zel a lo ziaawm theih nan leh, ‘Covid Appropriate Behaviour (CAB)’ khauh taka kenkawh a nih theih nan ‘COVID-19 No Tolerance Drive’ kalpui tula hriat a ni a. Chuvangin, Dr. Renu Sharma, Chairman, State Executive Committee chuan Disaster Management Act, 2005 hnuaia Section 22(2)(h) & 24 (l)-in thuneihna a pêk angin a hnuaia tarlan ang hian ni 24.01.2022 atanga ni 31.01.2022 zanlai dar 12:00 thlenga Mizoram puma hman tur ‘COVID-19 No Tolerance Week’ inkaihhruaina Order a tichhuak.

1. Order No. B.13021/101/2020-DMR/Vol-VI dated 7.1.2022 hmanga inkaihhruaina lo chhuah tawh chu hemi chhung hian khauh taka kenkawh tur a ni.

2.DDMA zawng zawng ten an District huam chhungah CAB khauh takin an kengkawh tur a ni.

3. VLTF/LLTF ten anmahni khua/ veng-ah CAB tha takin an kengkawh tur a ni.

4. Head of Department/ Head of Office ten anmahni Department/ Office-ah khauh takin CAB an kengkawh tur a ni.

5.DDMA ten hmun remchangah CAB zawm a nih leh nih loh enzuia bawhzuitu tur Incident Commander te leh Executive Duty te an ruat ang.

6.Police Headquarters/ District SP ten CAB khauh taka kengkawh turin Police duty-na tur hmun bikte siamin, hmun hrang hrang fang kualtu tur an ruat bawk tur a ni.

7. Information & Public Relations Department chuan media hrang hrang hmangin CAB tha taka zawm a pawimawhzia uar takin an thehdarh (campaign) ang.

8.VLTF/ LLTF te leh CAB Implementation Committee te chuan anmahni khua/ vengah CAB tha taka zawm a nih theih nan a khat tawkin thu an puang fo thin tur a ni.