Vawiin khan Lunglei DC Pi Lalzarmawii IAS kaihhruaiin a Chamber-ah Lunglei District Health Committee meeting neih a ni. 

Meeting-ah hian Dr. VLMS Dawngliana CMO chuan kal khawmte lawmna thu sawiin Dr. Lalawmpuia Chhangte SMO chuan Intensified Diarrhoea Control Fortnight (IDCF) thil tum leh hmalakna bakah hmachhawp hrang hrangte a sawi lang a. Family Planning a Nu nau thei tawh lo tura insiam chung chang leh Nu naupaite a thlawna inenkawlna kawnga sawrkar laipui hmalakna Pradhan Mantri Surakshit Matritva Abhiyan (PMSMA) Lunglei District chhunga hmalakna kalpui a nih dan te a sawi lang bawk a ni. 

Meeting-ah hian IDCF puala June thla ni 12 atanga ni 24 chhunga hun hman dan tur chung chang sawi ho a ni a, June 13 ah Baptist Higher Secondary School Junior section Serkawnah hman tura ruahman a ni. Meeting chuan Hriselna kawnga Sawrkar laipui hmalakna kawngah Private Hospital te nen tangruala nasa zawka thawh hona thazawk a awm theih nan hmalak nise an ti bawk a ni.