Vawiin chawhma khan Lunglei Convention Centre-ah Accounts & Treasuries bultumin Lunglei District chhunga Drawing & Disbursing Officer (DDO) leh Dealing Assistant te tan ‘Sensitization Drive on New Pension Scheme’ buatsaih a ni. 

Lunglei Treasury Officer Pu F. Thasiama chuan he workshop hi a kaihruai a. Pi Esther Leihang, Assistant Director (NPS), Accounts & Treasuries chuan nikuma Pension Fund Regulatory and Development Authority (PFRDA) atanga Mizoramin NPS-ah Best State for Subscriber Record Maintenance Award a dawn chu, DTO, DDO leh dealing assistant te thawh hona that vanga la a nih thu a sawi a. Kalkhawm te chu workshop chhawr tangkaia, NPS subscriber-te tana tha taka thawk chhunzawm zel turin a ngen a ni. 

Pu F.Malsawmkima leh Pi Bernadeth Lalhmangaihtluangi, Assistant Auditor te'n NPS chungchanga hriat tur pawimawh, kum 2010 hnu lama thil thar awm  te leh  Form hrang hrang fill-up dan te chungchangah zirtirna an pe a ni. 

Mizoram sawrkar chuan New Pension Scheme hi September Ni 1, 2010 leh a hnu lama sawrkar hnathawk tharte tan a ruahman a. Kumin March thla thleng khan NPS subscriber mi 5306 an awm a ni. Lunglei District chhungah DDO 105 an awm mek bawk a ni.