National Voters Day vawi 8-na pualin vawiin khan Convention Centre Lunglei ah hun hman a ni a, Lunglei DC leh District Election Officer ni bawk Pi Lalzarmawii, IAS chu he hunah hian khuallian a ni.

National Voters Day vawi 8-na puala hun hman Lunglei Election Officer Pu James Lalnithanga kaihhruaiah hian Pi Lalzarmawii chuan thu sawiin India rama mihring za zela 50 te hi kum 35 hnuailam Thalai kan tih te an ni a; heng thalaite hi Democracy rama mawhphurhna an neih hrang hrang te kan hriat fiah tir a tul hle a ni tiin inthlanna ah pawh vote thlak a pawimawh zia an hriat a tul a ni, a ti. Lunglei DC chuan National Voters Day kan hman hian India khua leh tui zawng zawng leh Political Party zawng zawng ten Election Commission of India rintlak zia leh dik zia kan hriat tharna nise a duhawm hle ang a ti bawk. Vote lei tum te lakah mipuite fimkhur tur leh ram hruaitu atana mahni duhzawng ngei vote turin Pi Lalzarmawii chuan kalkhawm te a chah a, National Voter Day kan hmanna chhan chu Vote nei ten an Vote hlutna an hriatna tur leh an duhna ngeia Vote an thlak theihna tur atana hman a ni, a ti bawk.

Vawiina he hun hmanna ah hian thianghlim leh rinawm taka vote thlak tura thutiam sawihona neih niin, Lunglei District Assembly biala tina BLO ti tha te hnenah chawimawina hlan a nih bakah Vote nei thar te hnenah Voters I.D hlan an ni bawk.