Mizoram sawrkar Flagship Program NEDP kaltlangin Sawrkar Department hrang hrang ten an hmalakna tlangpui leh an hnathawh kalphung te sawi zauna hun ‘Public Information Campaign’ Lungleiah buatsaih thuai tum a ni a. Information and Public Relations (I&PR) leh Lunglei DC Office tangkawp buatsaih tur campaign sawiho tur hian nimin leh vawiin (24^th & 25^th September 2018) khan DC Conference Hall-ah Lunglei DC Dr Ankita Chakravarty IAS hovin thutkhawmna neih a ni.

He hunah hian Lunglei District Department thlanchhuah ten an hnathawh kalphung bakah an hmalakna leh achievement lian tham te leh kum 2018-19 chhunga hmachhawp an neih te sawi zauna hun an hmang dawn a ni. Mipui te aiawh a sawm khawtlang hruaitute, NGO-te leh Media (MJA) atang te nen he hun hi hman tur niin inkawmhona leh zawhna leh chhanna hun tha tak te buatsaih tum a ni.

Committee in a rel dan chuan he ‘Public Information Campaign’ hi 28^th September, 2018 ah Convention Centre, Lungleia buatsaih tum a ni.