Mizoram Youth Commission chuan India rama Motivational Speaker lar, Alternative Learning System New Delhi Founder leh Chief Executive Director ni mek, Competition Wizard  editor ni bawk Jojo Mathews chu Lungleiah a chah chhuak a. Convention Centre, Lungleiah motivational lecture a pe. Civil service lama luh tum Lunglei thalai 500 chuang fuankhawmin he hun hi hman a ni a. Zirlai fuankhawm te hnenah hriatna satliah ni lo hriatthiamna tak tak nena lehkha an zir theih dan tur te, mahni inthunun dan leh ngaihtuahna hman dan kawng chi hrang hrang a zirtir a ni. A nawlpuiin lecture an ngaihthlak zawh hian MYC& JB College nen tang tlanga Online IAS coaching a zirlai te nen interaction hlawk thlak tak an hmang bawk. He inkhawm hi Pu Lalmuanzuala , Youth Commission Officer, Southern Mizoram Zone chuan kaihhruaiin thalaite tana MYC hmalakna hi a thlir liamtu ni lova a chhawr tangkaitu ni turin thalaite a fuih a ni.

Hetih rual hian, MYC leh ALS nena thawk dun IIT- JEE & NEET coaching pe mek tu Avanti founder Akshay Saxena pawhin BHSS Serkawn a, MYC Online Coaching Centre-ah Lungleia science zirlai he exam hmachhawn tumtu te chu an hriattur pawimawh chi hrang hrang a zirtir a, thiamtheih aiin mahni mawhphurhna nitina hlen chhuah chu hlawhtlinna bul anih thu sawiin naupang te nen inkawmna hun tha tak an hmang a ni.

Tunah hian Lungleiah Online IIT-JEE & NEET Coaching kal lai mi 141 an awm mek a, Online IAS coaching ah hian mi 30 an kal mek a. MYC hmalakna hnuaiah hian SSC  CAPF & Army Pre recruitment Rally ah mi 158 tel mekin SSC/IBPS coaching kallai mi 80 an awm mek a ni