Vawiin chhun khan Dr.Ankita Chakravarty, IAS, Deputy Commissioner, Lunglei kaihhruaina in a office chamber-ah Tawipui S JAC-te meeting neihpui an ni a. He meeting-ah hian Lunglei SP Pu C. Lalthanmawia, Addl DC Pu Benjamin Lalzama, DEO Lunglei, SDC, SSA DPC leh Tawipui 'S' JAC hruaitute an tel.

Tawipui 'S' High School Headmaster transfer san let leh an ngenna leh an thil phut dangte Sawrkar hnena an thlen chu tih hlawhtlin theih ala nihloh avangin Sawrkar laka an lungawilohna lantir nan National Highway  No 54 hial anlo dang tawh a. Sawrkar ah 30th June 2018 hma in hmalakna ngaihchan a ni. Hmalakna engmah a la awm loh avangin JAC leh NGO's Tawipui 'S' te chuan naktuk 30th May 2018 hian an kal zel dan tur an rel dawn a ni.

Dr Ankita Chakravarty chuan Tawipui S khawtlang mamawh leh harsatna te sawrkarin a hriat sak thu tarlangin District thuneitute leh Department hotuten hma an lak mek thu a sawi a. Heng hmalakna te lo ngaichang turin a ngen a. National Highway No 54 dang tawh lo turin leh boruak muanawm tak hnuai a kal turin an ngen a ni.