No.2179/2021-2022
Aizawl the 10th September, 2021 – Vawiin khan Lunglei DC Pu Kulothungan A hovin District chhunga zirna in hrang hrang 3C, 4C leh Quarantine Centre a hman mek chungchang ngaihtuah hovin a office chamber-ah meeting neih a ni. He hunah hian Lunglei SP Pu Rex Zarzoliana Vanchhawng, SMO Dr LC Liana, College Principal –te leh official dangte an tel a ni.

Meeting ah hian Lunglei District-a college-te hawn chungchang ngaihtuah ho niin medical lam hotute leh College Principal ten tun dinhmunah college te hi hawn chi a an la ngaih loh thu an thlen angin meeting chuan college-te la hawng lovin online class la kalpui zel ni se tih an rel a ni.

Meeting-ah hian District-a CCC, 4C leh quarantine centre dinhmunte ngaihtuah ho a ni a. Tun dinhmunah Lunglei Government College, Mizoram Polytechnic, Eklavya Pukpui, Serkawn Sikulpui leh school dang engemawzat chu Covid Care Centre-ah hman mek an ni a. Heng zirna in hmunhma te hi Covid kaihhnawihah hun rei tak chhung hman tawh an nih avangin 3C, 4C leh Quarantine Centre-te hmun dang remchangah ngaihtuah belh ni se tih meeting chuan relin heng building remchang lo ngaihven belh turin CMO chu mawhphurna pek a ni a. School leh College te hawn theih an nih hunah 3C, 4C leh Quarantine Centre-te hi sawn chhuah an ni ang.

Attachment

  • Loading attachment...