No.2254/2020-2020

Mizoram Sorkar Lehkha No. D.33011 / 21/ 2020-H&FW(nCOV)/ Vol-I Dt.18.6.2020 in a sawi behchhanin Government Quarantine Facility, Community Quarantine Centre leh Home Quarantine-a awm chungchanga inkaihhruaina a hnuai ami ang hian siam a ni. 

A: Quarantine-naa awm hun chhung

 1) Govt Quarantine Facility (GQF) / Community Quarantine Centre (CQC)-a awmte chu an awm tan atanga ni 14 a ral tawh a, RT-PCR result a negative chuan Quarantine Facility/Centre atangin an chhuak thei ang. RT-PCR result a chhuah loh emaw, a negative loh chuan chhuah phal a ni lo.

2) GQF leh CQC-a an awmna room ami mi pakhat chauh pawh RT-PCR result a positive chuan chumi room-a awmte chu test nawn leh vek tur an ni a, test nawn Iehna result hi a chhuah hma leh test result a negative loh chuan an chhuak thei lovang. 

3) Home Quarantine-a awm pawh a chunga sawi ang khian awm tan atanga ni 14 a ral a, RT-PCR result a negative bawk chuan Home Quarantine hun hi a zo anga, Quarantine zo tawhte tihtur a hnuaia tarlante hi a chhunzawm ang. 

B: RT-PCR Test hun 

RT-PCR test tur sample chu Quarantine Facility/Centre luh atanga ni 5 ral hnuah lak tur a ni. Covid-19 positive te nena in contact hnaite chu positive-te nena an in contact atanga chhiara ni 5-10 inkarah RT-PCR test tura sample lak tur a ni. Home Quarantine-a awmte chu ni 5-10 inkarah sample lak tur a ni. 

C: Quarantine-na hmun atanga chhuah dan: 

GQC/CQC-a Quarantine hun hmang zo tawh, RT-PCR test-a negative, Quarantine na hmun chhuahsan theite chu an chhungten an hruai haw emaw mahni chenna veng VLTF te ruahmanna siam dan angin Quarantine-na hmun atangin an haw thei ang.

D: Quarantine zo tawhte awmdan tur: 

Quarantine zo tawhte chu Health & Family Welfare Department-a bialtu ten Quarantine period completion certificate an pe thin ang. An chhuah atanga ni 7 chhung chu mahni uluk taka invawn (self-monitoring) tur a ni. Hemi chhung hian a hnuai amite hi tha taka zawm tur a  ni:

1) Covid-19 laka mahni, chhungkua leh khawtlang him nana zawm tur hrang hrang te- mask tha taka vuah, social distancing tha taka zawm leh kut silfai fo te bakah hriselna kawngah mahni theuh invawn uluk zui zel tur a ni. 

2) Tuallaiah an leng chhuak tur a ni lova, in lamah inleng an kawm tur a ni lo. 

3) Natna kai awl bik ho - kum upa, naupai, naupang, lung natna vei, zunthlum, cancer, HIV etc vei te bulah awm lo thei se. 

4) Ram lama hna thawka kal chhuah leh thlama ram riah phal a ni. 

Hriselna lama harsatna nei chuan heng contact no-ah te hian thu thlen theih reng a ni e: 

State-ah : 102 (Toll free)/ 0389-2323336, 0389-2322336, 0389-2318336 

District-ah : 6033151202/ 7629072340.