No.2253/2020-2020 

Lunglei Deputy Commissioner Pu V. Lalsangliana chuan a hnuaia tarlan ang hian vawiin 20/06/2020 ah thuchhuah a siam a ni:

                        Covid-19 laka kan him theihna tura inkharkhipna (total lockdown) chu June ni 09, 2020 (00:00 hrs) atanga chhiara ni 14 chhung (00:00 hrs 22.6.2020 thleng) kalpui turin Mizoram sorkar chuan Order No.B. 13021/101/2020-DMR/Pt III Dt.8.6.2020 hmangin thupek a chhuah a. He thupek behchhan hian Lunglei District-ah pawh District Level Task Force, Lunglei District chuan June 9, 2020-ah inkaihhruaina a siam a, June 13, 2020- ah total lockdown kalpui zel dan tur a chhuah chhunzawm bawk a ni. 

                        Mizoram Sorkar-in thupek a chhuah Ni 8.6.2020 ami chhunzawm nana thupek thar chhuah a nih a, chu thupek behchhana District Level Task Force, Lunglei District-in Inkaihhruaina thar a siam leh hma chuan DLTF-in Inkaihhruaina a siam, tuna Total Lockdown kan kalpui dan mek hi hman chhunzawm zel tur a ni. 

                        Chutiang a nih avang chuan Lunglei khawpui chhungah dawr leh sumdawnna hmun hawn khap a ni a. He khapna hian mihring leh ran damdawi dawrte a huam lovang. 

                        Thildang zawngah chuan June 9, 2020-a inkaihhruaina siamte a ngai anga hman chhunzawm a ni anga. He inkaihhruainaa tarlan loh-ahte chuan State sorkarin thupek a chhuahte zawm tur a ni.