No.3032/2021-2022

Aizawl the 18th, November 2021 : Vawiin chawhma khan Pu Kulothungan A, IAS, Deputy Commissioner, Lunglei chuan a office chamber-ah Corporate Social Responsibility (CSR) kaltlanga ABCI Pakage-5 in a Computer Set khat cheng Sing li man an pek chu Bethel Centre, Lunglei enkawltu te hnenah a hlan.

Pu Kulothungan A chuan Bethel Centre a tlawh tumin Computer Set mamawh thu a hnena an thlen chu CSR katlanga ABCI Pakage-5 a an hotupa Pu Darshan Prajapathi hmalaknaa pek ani ta chu lawmawm a ti a. Computer Set hi Bethel Centre in tangkai taka an hman ngei a beisei thu sawiin Bethel Centre enkawltute leh naupangte mamawh dangte pawh ngaihtuah sak zel a tum thu a sawi.

Bethel Centre hi 2003 ah bul tan niin tun dinhmunah naupang 100 an cheng mek a, Mizorama orphanage te zingah naupang tam berna a ni. Bethel Centre Management Committee-in enkawlin thawktu mi 13 an awm mek a, heng zingah hian sawrkar laipui Ministry of Women & Child Development kaltlanga rawih Counselor pahnih, case worker pahnih leh paramedical staff pakhat an tel a ni. Bethel Centre-ah hian primary school leh middle school kalpui mek anih bakah a hmuna cheng naupangte hian puantah, puanthui, electrical wiring, mobile reparing leh thiam thil dangte zir chhuakin eizawnna ah an hmang chhunzawm chho mek a ni.