1922/2022-2023

Lunglei the 14^th September, 2022- Vawiin khan Lunglei DC Pu Kulothungan A chuan Buarpui khua ah National Bank for Agriculture and Rural Development (NABARD) leh Vanapa Society te tangkawp ruahman kuthnathawktute tharchhuah hrang hrang hralhna hmun Rural Haat (Rural Market) a hawng.

Rural Haat hawnna inkhawm Dr Lalhmingmawii, Director, Vanapa Society Aizawl chuan kaihhruaiah Pu Kulothungan A, IAS chuan Rural Haat ṭha tak sak theina tura NABARD, Vanapa Society, YMA leh khawtlang hruaitute ṭanrualna chu fakawm a tih thu sawiin kuthnathawktute dinhmun chawikanna atana hmanraw pawimawh tak a ni, a ti a. Buarpui khua chu mi taima khua an nih thu sawiin an thlai thar chhuah te hlawk zawk leh man man zawka hralh chhuakin khualzin te hip tu ni turin a chah a. Buarpui khua mai bakah Bunghmun RD Block hnuaia thlai thar chhuak ten hralhna ṭha tak mai an neih tur thu a sawi bawk. 

Pu Evan T Munsong District Devolopment Manager NABARD, Lunglei District chuan  Key Note Address pe in NABARD sum leh Vanapa Society, YMA leh khawtlang te thawhkhawm hmanga helai tlang dunga Rural Haat sak theih a a awm hi lawmawm ati a. Bunghmun RD Block a loneitute tharchhuah hi Buarpui kaltlanga hralhchhuak thei tura inbuatsaih turin a chah a ni.

Rural Haat hi cheng nuai 10.10 senga ruahman niin NABARD sum 7.58 lakh leh Vanapa Society, YMA, khawtlang hruaitu te thawh cheng nuai 2.52 niin he Rural Haat hi chhawng hnih a sang a ni.

Pi Lalremsangi Lead Bank Manager Lunglei pawhin thusawina a nei bawk a ni.

Lunglei DC hian Buarpui PHC khum 10 awmna tlawhin an hmalakna leh harsatna an neih te a sawipui a, Buarpui PHC ah hian Dr 1 Nurse 3 Lab Tech 1 X ray Tech 1 Pharmacy 1 leh Group D te an awm a ni. DC hian Gov't HS leh Govt Standard MS te a tlawh bawk a ni.