No.1734/2020-2021

Lunglei Deputy Commissioner Pu V.Lalsangliana chuan  a hnuaia mi ang hian 05/06/2020 khan Order a ti chhuak.

Covid-19 laka invenhiman turin ram pum leh Lunglei District-ah pawh theihtawp chhuahin hmalak zel a ni a. Mizoram pawn atanga lo haw te pawh khunghran an ni zel a. 

Lunglei District chhungah Covid-19 positive pakhat hmuhchhuah a nih hnuah Ni 05.06.2020 hian positive dang pakhat chu hmuhchhuah leh a ni a, Positive -te hi Covid Care Centre (CCC) - ETC, SIRD, Pukpui ah enkawl an ni.

Tuna Covid-19 positive hmuhchhuah leh hi Government Quarantine Facility - EMRS, Pukpuia awm sa mek a ni a, mipui vantlang zinga positive case hi hmuhchhuah ni lovin State dang atanga lo haw a ni a. Chuvangin mipui tan chiaina tur a awm lova, a hmunhma te pawh Disinfection Team ten an ti thianghlim nghal a ni. Sawrkarin inkaihhruaina a siam te zawma, fimkhur taka kan awm hian tuna positive cas kan neihte avang hian hlauhthawn  tur a awm lova.

Hetiang hi kan dinhmun anih laiin positive case hmuhna hmun Government Quarantine Facility - EMRS, Pukpui (Boys' Hostel) leh positive te enkawlna hmun Covid Care Centre (CCC) - ETC, SIRD, Pukpui te chu luh leh chhuah phal lohna hmun (Containment Area) atana puan ngai niin hriat a ni a. 

Chuvangin Regulation 11(1)(b) ofthe Mizoram Epidemic Diseases (COVID-19) Regulations, 2020 behchhanin Government Quarantine Facility - EMRS, Pukpuia Boys' Hostel building atanga metre 20 huam chhung leh ETC SIRD luhna chhaka Covid Care Centre (CCC) atana hman mek building atanga metre 20 huamchhungah Medical Duty, Security duty, Deputy Commissioner-in phalna a pekte, VLTF duty leh he Covid Care Centre- a thawk tura ruat te bak mi tumah an lutin an chhuak tur a ni lo.

He thupek hi thu leh awm hma chuan hman tur a ni ang.