No.1733/2020-2021

Lunglei Deputy Commissioner Pu V.Lalsangliana chuan  a hnuaia mi ang hian 04/06/2020 khan Order a ti chhuak.

Covid-19 laka invenhiman turin ram pum leh Lunglei District-ah pawh theihtawp chhuahin hmalak zel a ni a. Mizoram pawn atanga lo haw te pawh khungrhan an ni zel a. Government Quarantine Centre-ah te, Community Quarantine Centre-ah te, leh Home Quarantine-ah lo hawte hi dah an ni. Quarantine Centre-ah hian duty pawimawh thawkte bak a hmunah hian kal theih a ni lova.

Tunah hian Lunglei District chhungah Covid-19 positive pakhat hmuhchhuah a ni a, mipui vantlang zinga positive case hi hmuhchhuah ni lovin State dang atanga lo haw a ni a. Chuvangin mipui tan chiaina tur a awm lova, sawrkarin inkaihhruaina a siam te zawma, fimkhur taka kan awm hian tuna positive cas kan neih avang hian hlauhthawn  tur a awm lova.

Hetiang hi kan dinhmun anih laiin positive case hmuhna hmun Community Quarantine Centre, BCM Ramthar atang hian positive mek chu enkawl tura lakchhuah tawh ni mahse he Community Quarantine Centre hmunhma hi luh leh chhuah phal lohna hmun (Containment Area) atana puan ngai niin hriat a ni a. 

Chuvangin Regulation 11(1)(b) ofthe Mizoram Epidemic Diseases (COVID-19) Regulations, 2020 behchhanin Community Quarantine Centre, BCM Ramthar chu containment area atan puan a ni a. Biak In Compound hung chhungah hian Deputy Commissioner-in phalna a pekte, Medical Duty, Security duty, VLTF duty leh he Community Quarantine Centre- a thawk tura ruat official-te bak mi tumah an lutin an chhuak tur a ni lo.

He thupek hi thu leh awm hma chuan hman tur a ni ang.