No.1122/2021-2022
Lunglei the 25th June, 2021 – Mizoram Board of School Education hnuaia HSLC leh HSSLC Exam 2021 Result tih chhuah taka Lunglei District atanga Top Ten a lang zirlaite chu vawiin khan Lunglei DC Pu Kulothungan A chuan inkawmhona hun hmanpuiin Chawimawina Thuziak leh pawisa fai a hlan a ni.
He hun hi Lunglei DC Office Chamber-ah neih niin zirlaite, zirlai nu leh pa te leh Lunglei DC Office-a officer te an tel a ni.
Zirlai chawimawi te chu:
1. Debbie Malsawmsangi d/o K. Lalthlamuana, Holy Faith School Lunglei
7th Rank in HSLC Exam
2. Ruth Lalruatfeli d/o Lalmalsawma, Baptist Higher Secondary School
8th Rank in HSSLC (Arts)
3. C.Vanlalmalsawmsanga s/o C.Lalbeiseia, St Paul’s Higher Secondary School
2nd Rank in HSSLC (Science)
4. Noel VL Zikpuii Pachuau d/o Lalthakima Pachuau, Baptist Higher Secondary School
5th Rank in HSSLC (Commerce)
Lunglei DC Pu Kulothungan A chuan HSLC leh HSSLC Exam result tih chhuah takah Lunglei District atangin Top Ten a lang pha zirlai pali an awm chu lawmawm a tih thu a sawi a. Zirlai ti tha te chu a lawmpui takzet thu sawiin an kal zelna turah duhsakna a hlan a. Chhungkua, khawtlang leh ram tana chhawr tlak nih tum tur leh an zirlai pui te tana entawn tlak leh kawng kawh hmuhtu nih tum zel turin a chah bawk a ni.
Attachment
- Loading attachment...