No.1123/2021-2022
Aizawl 25th June 2021: Vawiin chawhma khan June Ni 11, 2021 (Zirtawpni) zana Thuampui Venga Pu Lalbiakzuala In luahlai vanduaithlak taka chima nunna chan ta te Lalthlamuani (Kum 16), Laltanpuii (Kum 16), Joseph Lalrinhlua (Kum 5) leh Daniel Lalngaihsaka (Kum 3) chhungte hnenah State Disaster Response Fund (SDRF) hnuaia zangnadawmna (Ex-Gratia) Rs 4,00,000 /- (Nuai li) theuh hlan a ni a. Mizoram Sawrkar aiawhin Aizawl Bawrhsap Dr. Lalhriatzuali Ralte chuan a pisa-ah hlanna a nei a ni.

Zangnadawmna sum te hi Lalthlamuani leh Laltanpuii te hmingin an pa, Pu Lalbiakzuala hnenah hlan a ni a,
Joseph Lalrinhlua leh Daniel Lalngaihsaka te hmingin, an nu Pi Zairimawii te hnenah hlan a ni.

Ex-Gratia hlanna hun hi Aizawl Bawrhsap Pisapui Officer thenkhat te, I&PR Official te, Thuampui Veng Local Council leh YMA hruaitu tlem te ten sorkar SOP zawm chungin an hmanpui a ni.