No.1124/2021-2022
Dated Champhai, the 25th June, 2021: Tukin khan Legal Metrology Enforcement Staff Champhaite chuan an tihdan thin pangngai angin M/s Mizofed Gas Agency, Champhaia dah tur eirawngbawlna Gas thlengte chu endikin buk tlinglo bur 77 an hmuchhuak.

Truck registration number AS/11/DC-9733 hmanga Gas rawn phurh thlen Gas bur 306 te chu uluk taka endik a nih hnuah bur 77 te chu buk tlinglo tih hmuhchhuah a nih avangin dan anga hmalak nghal a ni a. Gas phurtu truck driver Rebul Islam, Ganirgram, Assam chu Legal Metrology Act, 2009 hmanga a hrem a ni. Gas buk tling lo te hi a tlin loh zat ang zela chhutin man tlawm zawka consumer-te hnena hralh tura tih a ni.

Legal Metrology Enforcement Staff Champhaite chuan nimin piah June ni 23, 2021 (Nilaini) khan M/s Mizofed Gas Agency a dah tur tho Gas buk tlinglo bur 18 an lo man tawh bawk a, a phurtu driver Alom Hussain Laskar, Lakhipur, Assam chu dan anga hrem a ni.

Gas Agency-te hian supply point-a gas an semchhuah dawnin Gas Cylinder bukna tur (Spring Balance) an keng ngei tur a ni a, Gas buk tling ngei chauh lak a nih theih nan gas bur lak turte chu buktir nachang hre thin turin Legal Metrology chuan mipuite an chah nghal bawk a ni.