2462/2022-2023
Lunglei DC Pu Kulothungan A chuan a hnuaia tarlan angin khapna thupek dated 25th October, 2022 khan a chhuah a ni.
Tunlai hian Mizoram chhungah sava leh ramsa chi hrang hrangte Airgun / Silai/ Sairawkherh etc. hmanga veh an ni thin tih hriat a ni a, ram chhunga sava leh ramsate an lo chereu mai loh nan leh humhim an nih theih nan khapna thupek chhuah a tul in ka hria a.
Chuvangin, kei, KULOTHUNGAN A, IAS, District Magistrate, Lunglei Distict,hian Sec 144 Cr.PC, 1973 in thuneihna min pek angin a hnuaia thupek hi ka chhuah e. "Lunglei District chhungah ramhnuaia sava leh ramsate Airgun/ Silai/ Sairawkherh etc. hmanga veh/kah/pelh hi khap tlat a ni e".
He thupek zawm lo chu Sec. -188 IPC hnuaiah Dan hmangin hrem an ni ang.
He thupek hian chhuah a nih atanga thla hnih (2 months) chhung a huam ang.
He thupek hi vawiin Dt. 25th October, 2022 hian Court seal nemin ka hming ka ziah hnan e.
