Vawiin chawhnu khan Post Office kawt, Venglai ah Dr.Ankita Chakravarty,IAS Deputy Commissioner,Lunglei chuan Model Polling Station (Polling Station lem) a hawng.

Model Polling Station hawnna inkhawm hi Dr. Lalengzama, Nodal Officer SVEEP Lunglei in kaihruaiin Dr. Ankita Chakravarty Chuan Election hi a pawimawh hle a, ram roreltu thlanna turah hian khua leh tui dik tak tan chuan vote thlak hi kan tih tur a ni a ti a. Tun aia mipui tam zawkin vote kan thlak zel theihna turin vote thlak kan ngaih pawimawh thar zel a pawimawh thu a sawi bawk.

Kan hmaa inthlanpui lo awm tura atana inbuatsaihna leh SVEEP Campaign na atan he Model Polling Station hi buatsaih a ni a. Hetah hian inthlan huna hman tur Electronic Voting Machine (EVM) leh Voter Verifiable Paper Audit Trail (VVPAT) te dah niin, EVM-in kan vote thlakte a chhinchhiah dik ngei em tih VVPAT hmang hian a enfiah nghal theih zel a ni. Model Polling Station ah hian Leitlangpui Higher Secondary School Pawl 11 leh 12 zirlai ten vote thlak dan zirtir an ni.

Model Polling Station-hi Lunglei khawpui lun lai hmun5 ah buatsaih a ni a. Tlabung, Lungsen leh Hnahthial-ah te buatsaih a ni dawn bawk a ni.