Vawiin khan Ni hnih awh tur Mission Organic Mizoram Buyer and Seller Meet 2018 Aijal club ah buatsaih a ni a, he hunah hian Pu Lalhmingthanga, Commissioner and Secretary, Agriculture department chu Khuallian niin Dr H.Saithantluanga, Mission Director, MOM chuan Buyer and Seller Meet hawnna hun hi a kaihruai.

Khuallian Pu Lalhmingthanga chuan Mission Organic Value Chain Development for NE Region (MOVCD-NER) hnuaia Mizoram chhunga hmalaknate tarlang in, “Mission Organic Value Chain Development for North Eastern Region (MOVCD-NER) Scheme hnuaia Mission Organic Mizoram (MOM) chuan hmasawnna hmuh theihin a kalpui mek a, tun ah hian Farmer Producer Organisation (FPO) 14 din fel tawh niin; thlai thlan bik – Mizo Hmarcha, Sawhthing, Aieng leh Thingpui te chingin ram 6117 h.a. a zau enkawl mek a ni a. Organic Certificate atan Scope Certificate (C1) pawh hmuh a ni tawh bawk a. FPO zawng zawngten in hmazawn theuha theihtawp in chhuah theuh hi a lawmawm tak zet a ni” a ti. Pu Lalhmingthanga chuan Internet based Electronic Services (TraceNet) hmanga hna hlawk zawk a thawh a tul thin avangin Mizo Thalai tam zawk ten Mission Organic Mizoram hi an luhchilh a tul a ni, a ti a, Reiek Block Turmeric Grower Society leh West Phaileng Block Chillies Grower Society-ahte thalai tan Organic Youth Group din a nih tawh thu a sawi bawk.  

Vawiin Buyer-Seller meet ah hian Farmer Producer Organisation 14 an rawn tel a, chungte chu, Aizawl FPO-1, Aizawl FPO – II, Lunglei Ginger FPO, Tlabung Turmeric & Mizo Chilli, Hnahthial Spices FBO, Champhai Ginger FBO-I, Ngopa Chilli FBO- II, Kolasib Turmeric FBO, Reiek Turmeric FBO, W. Phaileng Chilli FBO, W.Lungdar Turmeric FBO leh Serchhip Chilli FBO te anni a, ram pawn leh ram chhung atangin heng thlai thar leitum company engemawzat anlo kal bawk a ni. Rahuls Farm, Aimez Cuisiner, Mizoram Food Prosseing Industry, Catalyst Solution, Zoram Mega Food Park leh MAMSOL aiawhte rawn telin Mizoram sawrkar hnuaia Agriculture, Horticulture leh Sericulture department hotuten an telpui bawk.

Buyer – Seller Meet 2nd Session ah hian interaction & discussion hun pawimawh tak hman ni bawk.