No.2593/2021-2022
Aizawl 14th Oct. 2021 : North East Initiative Development Agencies (NEIDA) leh National Bank for Agriculture and Rural Development (NABARD) Lunglei tangkawp ten hrileng kaihhnawiha mi harsa leh a mamawhtute tanpuina Lunglei District a an sem tur chu Lunglei DC Pu Kulothungan A chuan tukin zing khan a vai liam.

Lunglei Zotlanga tanpuina sem tur vailiamna hun hmanah hian Lunglei DC chuan NEIDA leh NABARD ten Covid-19 dona kawnga tha an thawh chu lawmawm a tih thu sawiin hetiang avang hian mirethei leh mi harsa zawk ten harsatna an tawhte an sutkian phah thei tih a sawi a. Hun lo kal leh zel turah pawh midangte tanpuina kawngah theihtawp chhuan tlan zel a pawimawh thu a sawi a ni.

NEIDA Lunglei District Co-ordinator ZD Liansangzela sawi danin tun tuma an bungraw semte hi hetiang atana sum awmsa awm lo chunga a tulna avanga sum pawt khawm an nih thu a sawi a, Lunglei hmar lam tlangdunga khaw sawm (10), Mausen, Mualthuam, Sekhum, Ramlaitui, Kanghmun, Chhipphir, Bualpui 'V', Zotuitlang leh Chengpui bakah Hmuntlangah te hian Hand sanitizer bur 1750, Hmaituamna 12500 leh Dal bag 175 bakah Tel Case 132 te an sem ral a ni.